درومو كافيه جدة | المنيو ورقم الهاتف والعنوان

منيو درومو كافيه

منيو درومو كافيه

(Nai A)

تقييمي العام للمكان رائع، كل تفاصيل المكان كانت جميلة ورايقة القهوة جدا لذيذة وعلى ذوقي والحلا ولا غلطة.

في موسيقى.

مافي بارتشن.

مسموح الاطفال.

دور واحد افراد وعائلات.

ممنوع التدخين.

النظافة ٩.٥/١٠.

الخدمة ١٠/١٠ خدمة ذاتية والموظفة كانت ذوق وخلوقة جدا.

متوفر حليب كامل الدسم وخالي الدسم فقط.

الطلبات:

كابتشينو ١٠/١٠ ولا غلطة البن حامض راح يعجب محبي البن الحامض.

كورتادو ٨/١٠ لذيذة لكن ما ناسبت الي معايا لانو م تحب البن يكون حامض.

ايس لاتيه سولتد كراميل ٧.٥/١٠ لذيذ لكن الطعم مو متجانس تمام حسيت طعم البن حامض على الكراميل.

تارت فواكه ١٠/١٠ السكر مزبوط والعجينة هشة.

القهوة والحلا كانو جدا لذيذين المكان جدا جدددا رايق وكل تفاصيلو رائعة حبيت انو ديزاين المكان مو معتاد وحبيت مرة المكتبة تحت الدرج.

ملاحظة: الحمام اتوقع للموظفين فقط.

ملاحظة✨: هذا الرأي هو رأي شخصي فقط و"لولا اختلاف الاذواق لبارت السلع".

‏Instagram profile: @itshaneens.diary

 (Soul Sa)

كافيه بطابع يوناني

كافيه انيق جدًا والتفاصيل واللمسات مختلفه ومُميزه غير المعتاد .. كافيه رايق وهادئ

الكافيه يتكون من دور واحد .. صغير نوعًا ما.

 (ام رورو)

الكوفي بصفه عامه الديكور جميل جداً والاجواء اجمل بس صغير جداً لا يكفي لأعداد كبيره ولا يوجد دورة مياه بالنسبه للأسعار فهي مرتفعه قليلاً ومبالغ فيها بالنسبه لتارت الفواكه والشكولاتة كان الذ تارت ذقته لحد الان لذيذ جداً والسكر مضبوط وطلبت لاتيه حار مضبوووط جداً التجربه بصفه عامه كانت ولا اروع بإستثناء الاسعار 👍🏻👍🏻👍🏻👍🏻👍🏻

 (محمد سعد وصل الله المطيري)

في أول تجربة كافي عندهم اخذت ايس لاتية لذيذ جدا وديكور المحل جميل والتعامل لطيف يستاهل خمس نجوم زرته بناءا على توصية شخص و الموقع جدا مناسب

 (Aisha Soliman)

المكان جميل وصغير، مناسب لزياره سريعه

طلبنا تشيز كيك اللوتس وكرواسون، جدااا لذيذ وفرش

طلبنا ايضا لاتيه وموهيتو، الارت على اللاتيه فناان والقهوه مضبوطه

الموهيتو مو كثير حبيته، فيه افضل منه

بشكل عام المكان مريح والميوزك كانت جميلة

Keep up the great work👌🏻

 (Halima Soliman)

المكان جداً جميل والموسيقى جدااااا راااااااااائعه اول تجربه لي 🥰الموظفين مبدعين في عملهم سواء البنات او الولد  ، بالرغم من ان واحد من البريستا كانت يده مكسوره نتمنى له الشفاء💐 ومع ذلك القهوة والرسمه متقننننه وجميله نعم راح اكرر التجربه عشان احصل ع الكوب المجاني 😎

 (Ahmad Alshaqaa)

تجربة أنييييقة ..

مكان يحاكي الأزقة اليونانية بتفاصيلها الجميلة.

ألوان مريحة - جلسات جميلة واللي يزاد جمال التجربة مشروباتهم "قهوة - كابتشينو" وكيكة العسل.

فريق العمل "بنات مبتسمات ومرحبات بعملائهم"

تجربة تكرر 👏🏻👌🏻✨

 (كافيهات جدة)

الكوفي ررررهيب  عجبني ديكور المكان رايق و جميل قضيت وقت جميل فيه و الحلى لذيييييذ انصحكم تجربونه واكثر شي ترحيب و لطافة الموظفين يعطيهم الف عافيه راح ارجع ثاني علشانهم الف شكر لهم

 (ام الحلوين)

مقهى جميل رغم صغر مساحته وديكوره اجمل من الطراز اليوناني .. تشيز البستاشيو + كيك الكوكيز + تشيز اللوتس كلها لذيذه والمشروبات آيس ماتشا وآيس موكا والكابتشينو 😋👍🏻

 (shaadow _Q7)

مقهى للقهوة المختصة والمشروبات وعندهم سويتات يونانية لذيذة .. حبيت المكان هايء ولطيف والديكور يحسسك بمقاهي واجواء سانتوريني الساحرة الباريستا والخدمة ممتازه القهوة والسويتات لذيذه والاسعار في متناول الجميع ، اللي يحب الروقان والهدوء يجي لهاالمكان وراح تتكرر الزياره اهنيكم على على كل شي ,,

 (Alhassan Etirji)

لكل عاشق لليونان وخصيصاً سانتوريني، الان درومو كافيه اتاح لك عيش التجربة. لمحبين القهوة المختصة انصح ان تبدأ صباحك ب فلات وايت وكرواسون، واذا كنت ناوي تجي الظهرية برد على قلبك ب V60 البارد ومو غلط تشوف لك اي نوع من الحلى معاه. واذا جيت الليل عاد اعتمد على نفسك مو كل شي اقلك هوا، بصراحة المكان صار بالنسبة لي الخيار الاول بجدة. شكرا درومو ♥️.

 (Samer)

كوفي جميل مريح للعين والنفس ألوانه زاهية والقهوة والحلا عندهم جميلة ولذيذة .

طلبي كورتادو وكوكيز بحشوة نوتيلا

والموظفين كلهم محترمين وقمة في الأخلاق وحسن الاستقبال محمد وشيماء ودعاء .

 (عثمان الشهري)

ديكور جميل فاتن ساحر  تغذيه بصريه ونفسيه القهوة كاااااايفه الحلا رائع الاسعار متوسطه الله يبارك لهم والشيء المهم الاستمرار على هذا المستوى وافضل

 (Rawan Adel)

جميل، القهوة مزبوطة والحلى فريش وطري.. المكان ريحته نظافة، الموسيقى في الصباح هادية .. ينفع للقراءة وتقدرو تجيبو لابتوب موفرين مخارج كهرباء عند أغلب الطاولات ..

 (نووودي الحربي)

ماشاءالله كوفي  جميل وراقي وجدا جدا مريح للنظر والنفسيه يعطيك احساس بالريلاكس ماشاءالله وديكوره مبدع عالم اخر من الاخر والكوفي والحلا جدا لذيذ صح ماحصلت اصناف كثيره لان تبارك الرحمن خلصت بس طلبت اسبريسو وكابتشينو وفلات وايت كانو مزبوطين والحلا تشيز اللوتس وكرانش شوكلت ماشاءالله لذيذه اكرر التجربه وبقوووووه

 (بطبعي أميره)

مقهى مره جميل ونظيف ومريح واسعارهم مره روعه وحلوه ورخيصه وكمان العمال مره محترمين ومثقفين و ماشاءالله عليهم يعطوك طلبك بسرعه الصراحه انا اشوف انه افضل مقهى في المملكة

 (عبدالله الباز)

كافيه درومو - "وتأتي القهوة لتزهر الروح ويعم الهدوء"المكان جميل من ناحية الديكور ، الخدمة ممتازة جداً ، والسعر ممتاز جداً القهوة المقطرة رووووووعه والحلويات خصوصاً بالفستق خياااااااال والتعامل بشوش وراقي باختصار :

استنشق رائحتها واتركها تداعب خلايا رأسك ..